PASPORTA TEZE Û GRAFA DERHEQA MILETÎÊDA

SALÊ XWENDKARYA MINE DÛRE DIRÊJ… 

PASPORTA TEZE Û GRAFA DERHEQA MILETÎÊDA

                  Ez kûrsa 2-a bûm, gava wedê pasporta min xilaz bû. Min pasporta xwe bir p’ara mîlîsîa nehya Yêrêvanêye Spandaryanê, wekî dewsê ya teze bidin min. Pasport hildan û minra gotin, çend roja şûnda were pasporta xweye teze bistîne. Çend roj derbaz bûn, ez çûm wêderê. Pasport dane min. Min pasport xwend, dît: ber navê miletîê nivîsîne “êzdî”. Min serekê textê pasportara got, wekî pasporta min şaşe. Got:

                  — Çi şaşe?

                  Min go:

                  — Miletya min şaş nivîsîne.

                  Go:

                  — Lê tu çi miletî?

                  Min go:

                  — Ez kurdim.

                  Katiba xwera got:

                  — Hela here pasporta wîye kevn bîne.

                  Çû, anî, daê. Xwend, vegerya ser min:

                  — Bira can, vêderê miletya te nivîsîne “êzdî”.

                  Min go:

                  — Aparanêda fêm nekirine – dîn çye, miletî çye. Êzdîtî dînê mine, lê kurd – miletya mine.

                  Camêrî fem kir, pasporta teze hilda, minra got:

                  — Here, çend roja şûnda were, pasporta xweye teze bistîne.

                  Roja kivşkirî ez çûm, pasport dane min, wêda îdî miletê min “kurd” nivîsî bûn. 

Bi vê têmaê usa jî bixûnin:

• «EZ MERIVÊ Ç’YAME, TU CÎKÎ MIN NAÊŞE…»

• ÇAWA EZ BÛME XWENDKAR

• DÊKANÊ MIN, PARAZVANÊ MIN