rusiya

(function() { if (window.pluso)if (typeof window.pluso.start == "function") return; if (window.ifpluso==undefined) { window.ifpluso = 1; var d = document, s = d.createElement('script'), g = 'getElementsByTagName'; s.type = 'text/javascript'; s.charset='UTF-8'; s.async = true; s.src = ('https:' == window.location.protocol ? 'https' : 'http') + '://share.pluso.ru/pluso-like.js'; var h=d[g]('body')[0]; h.appendChild(s); }})();

STENDINA NAVÊ “PROFÊSÎONALÊ CIHANÊYÎ PÊŞÎKÊŞ»

 

 

STENDINA NAVÊ

“PROFÊSÎONALÊ CIHANÊYÎ PÊŞÎKÊŞ

BONA SALA 2009-A” (KÊMBRIC, ANGLÎA)

 

        Nava jîyîna xweye rojnemevanîêda min bi seda gotar nivîsîne derheqa pirsê çand û edebyetêda. Ew gotar çawa rojneme û kovarê kurda, usa jî yêd ermenî, rûsî, erebî, farizî û yêd mayînda çap bûne. Û badilhewa nîne, wekî sala 1986-a navê rojnemevanê Ermenîstanêye emekdar dane min. Lê meha avgûstê sala 2009-a Navenda Bîografîêye navnetewî (Kêmbrîc, Anglîa) navê “Profêsîonalê cihanêyî pêşîkêş-2009” daye min. Aha nema minra şandîda çi nivîsîne:

                 “Birêz Serdar!

        Gotî We pîroz bikim. Hersal Dêpartamênta lêkolîna ya Navenda Bîografîêye navnetewî (International Biographical Centre) lêkolîna bi hezara bîografîa ji serkanîê cuda-cuda derbaz dike bona tamkirina salixnemê meye eyan û rewakirina wan anegorî Bernema me. Hildibijêrin çend merivên usa, ku, bi fikra me, karekî mezin dereca xweda kirine, hukumî ser dereca cî, netewîê û navnetewîê hîştine. Hûn karkirekî usayî mezinin. We gele hereket rêtye bona bigihîjne wê standartê, ku layîqî rewakirinêye. Lema jî kandîdatûra We çawa profêsîonalê dereca xweyî berbiç’ev û mezin hatye lênihêrandinê û pêşdakişandinê bona Navenda Bîografîêye navnetewî lêbinihêre. Ratîfîkasîakirina ewê rewakirinê ji alîê Serwêrtya Rewakirinêda nha dawî hatye, lema jî ez xwera hurmeteke mezin hesab dikim We navkim çawa endamê Navenda Bîografîêye navnetewî

         

PROFÊSÎONALÊ CIHANÊYÎ PÊŞÎKÊŞ 
2009

         

        Çawa xweyê ewê nîşana xasbûnê Hûn dikarin bawerbin, wekî cîê We nava dîroka meda heye, û wê yekêda razîbin, ku karê We ne tenê hatye dîtinê, lê usa jî hatye qîmetkirinê çawa karekî mezin. Hersal çend profêsîonalê cihane, yên navûdeng û nenavûdeng, ji hemû dîssîplîna dikarin bikne nava ewê navnîşa degme. Ew ew merivin, kemala karê kîjanaye herroj heye, û ew ne tenê ew merivin, navê kîjana sernivîsarada tê kivşê. Biryar hatye qebûlkirinê navê We bikne nava navnîşa sala 2009-a û çawa merivekî usa, ku layîqî wê hurmetê bûye, Hûnê sera Navenda Bîografîêye navnetewîda bêne rêgîstrasîakirinê. Bi tex’mîna min, Hûn gotî kubarbin, wekî navê We wê cîê xweyî layîq bigre.

        Çawa merivekî usa, ku navê wî kirine nava navnîşa Navenda Bîografîêye navnetewî “Profêsîonalê Cihanêyî Pêşîkêş”, îzna We heye nîşanê bîranînê bistînin – mêdala mexsûs û degme, ku hostê me bona monarxîa cihanê hazir kirine, û sêrtîfîkata nexşkirî, ku ser kax’azê pêrgamêntêyî herîbaş hatye çapkirinê.

        Ez gelekî şame, wekî wê nûç’a şabûnê Wera bêjim, û gumanim, wekî Hûnê kubarbin bona wî hukumî, ku ser hevalbend û hevalê xwe dihêlin. Minra tenê dimîne We bi dil û can pîroz bikim.


Bi qedirgirtin,
Nîkolas S. Loû
Dîrêktorê sereke.”

(Werger ji înglîsî).

        Be’sa derheqa wê yekêda, wekî ew navê hurmetlî dane min, her dera bela bû. Min ji gelek cya pîrozbayî stendin. Aha ji wana çend heb:

         

        Radîoa “Dengê Amêrîkaêye kurdî”:

        Rojnamevanê Kurd Emerîkê Serdar Xelata Serkeftinê Wergirt

        By Robîn Reşvan

        01/10/2009

        Navê rojnamevan û nivîskarê Kurd Emerîkê Serdar li nav hemî Kurdan bi nav û deng e. Camêr, xîzmetên dûr û dirêj kirîye sewa çand û zimanê Kurdî û gelek berhemên hêja afirandine. Emerîkê Serdar, ji bo rojnameya Rîya Teze jî xîzmeteke mezin kirîye ku rojnameya Kurdî ya herî jiyandirêj e. Wî, 15 salê wekî serokê rojnamê, bi giştî 44 salan di Rîya Teze de xebitîye. Serdar, xencî xebata xwe Rîya Teze, her wiha 3 salan, di Radyoya Yerevanê de jî kar kirîye.

        Emerîkê Serdar ku serokê Şêwra rewşenbîrê Kurd li Ermenîstanê ye, xwedîyê gelek nivîsar û pûrtûkên hêja ye. Hinek jî afirandinên wî  Destê dê, Şayîk Du Cara Kirin, Dengê Dil,  Gundê Me, Hetanî kengê, Hisreta Emir û gelekên din. Rewşenbîrê Kurd  Emerîkê Serdar meha çûyî, ji alîyê Navenda Bîyografî ya Navnetewî (International Biography Center) ve, ji ber kar û xîzmetên wî yên hêja û biha giran hate xelat kirin. Serdar hejayî xelata  – Profosyonelê Cîhanê ye Pêşîkêş 2009- hate dîtin ku her sal bo kesên herî serkeftî têne dayîn”.

         

        Malpera Netkurd:

IBC-ê sipasiya Emerîkê Serdar kir

Netkurd

        2009-09-09

             Van dawiya nivîskarê kurdî meşûr, rojnemevanê navûdeng, wergêr Emerîkê Serdar ji INTERNATIONAL BIOGRAPHICAL CENTRE (IBC) ji Kêmbrîcê (Anglîaê) neme stend, li ku tê gotinê navê “Profêsîonalê Cihanêyî Pêşîkêş bona sala 2009-a” dane wî.

        Em jî bi dil û can Emerîkê Serdar pîroz dikin bona vî navê hurmetlî. Pêwîste bêjin, ku nava kurdê Sovêta berêda Emerîkê Serdar merivê yekemîn e, ku layîqî vê rewakirina navnetewî dibe.

         

        TOSINÊ REŞÎD malpera Netkurd-da (10.09.2009) wa nivîsye:

         Pîroz be, Emerîkê bira! 

         

Show »

Dêpartamênta lêkolînan, ya Navenda Bîografîye Navnetewî (Kêmbrîc, Angilîya), ji nav bi hezaran kesên navdar ji seranser cihanê, rojnamevan, nivîskar, rexnegir û wergerê kurd Emerîkê Serdar jibartîye çawan yek ji Profêsîyonalên Cihanêye Rêber (Pêşîkêş), yê sala 2009 an.

        Ez bi dil û can Emerîkê Serdar, malbeta wî û gelê kurd ji bo vê xelata birûmet pîroz dikim.   

Emerîkê Serdar jîyaneke bi rûmet jîye û karekî gelek mezin kirîye û rastî jî hêjayî wê xelata bi rûmet e.

        Jîyana Emerîkê Serdar pir dijwar bûye. Salên Cenga Cihanîyêye Duyemîn bavê Emerîk, Dewrêş diçe ber şêr û venagere û zarotîya Emerîkê di tunebûn, hejarîyê de derbas dibe. Lê wê hejarîyê Emerîk ne şikênand, wî xwend û çawan dibêjin ‘bi xwîdana enîya xwe’ bû yek ji ronakbirên kurdên sovêtê, yê herî naskirî.

        Eger em rojnemevanîya Emerîk ji gotarên wî dest pê bikin, ku di rojnama “Rîya Teze” de çap bûne, usane Emerîkê Serdar bêtirî 60 salî xizmeta rojnamegerîya kurdî kirîye, lê ji sala 1959 an rojnamegerî dibe karê jîyana wî; berê li beşa kurdî ya radîyoya Yêrêvanê, dû re jî li rojnama “Rîya Teze” ew kar dike. Wî li “Rîya Teze” ji karê werger dest pê kir, heta gihîşte rada rêdaktorê (êdîtorê) wê.

        Eger ji alîyê aborîyê de dûarojê rewşa Emerîk normal bû, lê dîsan jî dijwarîyê jîyanê man. Emerîk seranser jîyana xwe de rastgo bûye û ew rastgoyî jê re bû xenîm.

        Em dikarin bêjin, wekî berî Emerîkê Serdar di edebyetya kurdên Yekîtîya Sovêtê de rexnegirî tune bû. Eger ser pirtûkekê, yan berhemekê tiştek bihata nivîsar, tenê pesin dayîn bû. Lê Emerîk rexnên rast dikirin û ev yek ne bi dilê gelekan bû. Heta çend kes çûbûne pêşîyê jî, xwestibûn lêxin.

        Emerîkê Serdar piştovênî nûjenîyê, nifşên nû bû. Ez bawarim hevçaxên min û kesên ji min biçûktir, gişkan jî alîkarî û piştovanîya wî texmîn kirine. Yekemîn berhemên min çi ku belavkirina bi radîyoya kurdî, ya Yêrêvanê û çi çap kirina di rojnama “Rîya Teze” de, bi helanên Emerîkê Serdar bûne.

        Emerîkê Serdar jîyaneke dijwar derbas kir, dem hebûn, wekî wî serê xwe ber hinekan dasxista, jîyana wî wê hesantir bûya, lê wî danexist, wî dijwarîyên jîyanê bi serbilindî birin.

        Emerîkê Serdar yek ji baştirîn rojnamevanên kurdên sovêtê ye, eger ne yê herî baş, baştirîn rexnegir e, rexnegirîya rast di edebyetya kurdên sovêtê de ji wî dest pê bû.

        Emerîkê Serdar nivîskarekî naskirîye, ew di berhemên xwe de derdê dewranê tîne ziman û bi vê jî berhemên wî nêzikî dilê xwendevana ne. Tiştekî şabûnê ye, wekî pirtûkên wî van salên dawî bi wergera rûsî jî çap bûne.

        Emerîkê Serdar wergerekî jêhatî ye, wî bi wergerên xwe edebyetya kurdî dewlemend kirîye, berhemên gelek nivîskarên ermenî gihandine ber destê xwendevanên kurd.

        Yekemîn wergera min bi hevkarîya Emerîkê Serdar bûye; me sala 1966 an çîroka Fêrîk Polatbêkov “Eskan” ji rûsî wergerand kurdî û di “Rîya Teze” de çap kir.

        Ez carekê jî Emerîkê bira pîroz dikim û jê re serkevtinên nû dixwazim.

Tosinê Reşîd (Avstralîa)”.

 

        AZAD (ALMANÎA),

        xwendevanê malpera www.avestakurd.net,

        1 okyabrê s.2009-a

       “Pîrozbe, apê Emerîk!

        Ez wek kurdekî apê Emerîk bi dil û can pîroz dikim û jêra jiyaneke dirêj hêvî dikim. Min bi xwe apê Emerîk nedîtye, lê min carekê li Almanîaê bajarê Nyûrênbêrgêda, dema min “Radîoa Dengê Kurda”-da kar dikir, li gel birêz Emerîkê Serdar hevpeyvînek çêkir. Eva demeke dirêje, lê heta roja îro ew dengê wîyî delal û kurdya wîye şîrin hê ji guhê mindanin mîna helbesteke hêja û ç’emekî welatê min diherike!

        Ez careke din apê Emerîk pîroz dikim û destê wî maç’ dikim”.

        

        PÎR DÎMA (GURCISTAN)

        9-ê oktyabrê s.2009-a.

         “Gava ez pê hesyam, wekî navê “Profêsîonalê Cihanêyî Pêşîkêş seba sala 2009-a” dane We, ez bona gelê xwe kubar bûm. Ez bi dil We pîroz dikim seba wê qewmandina ferz!!!

        Bira Hûn, xebata Weye xwenehêvşandî cahilê me ruhdar bikin seba xebata efrandar.

Bi qedirgirtin,

Pîr Dîma”.

 

        Xênji wê gelek malpera, rojnema (çawa bi kurdî, usa jî rûsî), meriva bi têlê ez pîroz kirime. Ez spasya xwe didime wana. 

 

 

Добавить комментарий

Ваш e-mail не будет опубликован. Обязательные поля помечены *