ŞERVANÊ BONA AŞTÎÊ Û MORALÊ
KARÊ LI RADÎOÊ
ŞERVANÊ BONA AŞTÎÊ Û MORALÊ
Tê bîra min, çend sal derbaz bûn. Sêksîa nivîskarê kurdada berevoka efrandinê Ûsivê Beko enene dikirin. Qaçaxê Mirad “şiêra” wîye “Edlayî” berk rexne kir û got ew gelekî siste.
— Çye, tu miqabilî edlayêyî? – Ûsivê Beko gotê.
— Na, ez ne miqabilî edlayême, ez miqabilî şiêra teye sistim, — Qaçaxê Mirad gotê.
Qewmandineke ha jî tê bîra min. Dengbêjê meyî navûdeng Şeroê Biro hatibû radîoê û kilama xweye eyan “Hekîmo” gotibû û ew ser qeytanê nivîsî bûn. Gotî şêwra bedewetîê qirarke – ewê hildin çawa fond yanê na. Ji endamê şêwra bedewetîê geleka xeberdan û qîmetekî mezin dane wê kilamê. Ûsivê Beko jî xeberda, got, wekî ew “anmorale”, “çawa emê rabin radîoêda wê kilamê bidin, gava wêda ev xet hene:
Ezê pêşkêşî hekîmê mala bavê xwekim
Zermemikê xweye çardehsalîye nazî”.
— Wekî usane, em propaganda wê yekê dikin, ku qîzê çardehsalî tiştê haye anmoralîê dibêjin, — Ûsivê Beko got û ser zêde kir: — Ez berk miqabilim, wekî ev kilam bê qebûlkirinê.
Baş bû pêşdanîna wî nehate qebûlkirinê. Şêwrê qirar kir ewê kilamê hildin çawa fond û bi radîoê bidin. Ew kilam ne ku tenê bi radîoa Yêrêvanêye kurdî tê dayînê, lê usa jî hemû radîoê kurda ewê didin. Ew kilameke cimeta meye hizkirîye û her dera tê gotinê.
Bi vê têmaê usa jî bixûnin:
Добавить комментарий