HISRETA EMIR (2008)

HISRETA  EMIR  (2008)

        Li paytextê Ermenîstanê Yêrêvanê sala 2008-a berevoka serhatîê nivîskarê kurd Emerîkê Serdar bi navê “Hisreta emir” bi zimanê kurdî, bi tîpê latînî derketye. Ew bi temba (zakaza) hukumeta Ermenîstanê çap bûye.

        Eva berevoka nivîskare 7-ane. Hetanî niha 5 berevokên wî bi zimanê kurdî, 2 jî bi wergera ûrisî çap bûne.

    Di vê berhemêda efrandinê usa hene, ku nivîskar di van salên dawîêda nivîsîne. Her wiha di pirtûkêda serhatîê usa jî hene, ku hemû hejmarên berevoka şayîr û nivîskarê kurdaye “Bahara teze”-da neşir bûne.

        Têma efrandinê vê berevokê ya bingehîn jyana gund, gundyane. Nivîskar vê jyanê rind zane û wê bi rengê rêal tîne ber ç’evê xwendevana. Cîkî mezin digrin ew serhatî, ku derheqa herdu şerê cihanê, ruhmezinaya gelê me, dostanya kurda û ermenya, evîntî, erf-edet, hizkirina dayîkêdanin.

        Di vê berevokêda jî nexş-nîgarê hûr hene, ku kurt fikir, hesîn û fîlosofya nivîskare emir dîhar dikin.

        Di berhevokêda janreke tezeye laqirdîê edebyetê, ku gelekî sivik hatine nivîsarê û bi hewaskarî têne xwendinê.

        Pareke romana nivîskare “Rya pêşîê min” di vê berevokêda cîwar bûye. Di wê parêda ew zulm hatye nîşandayînê, ku di sedsala XIX û destpêka sedsala XX-da li Tûrkîaê anîne serê gelê me. Vêderê usa jî hûrgilî derheqa deba kurda, erf-edetê wanda tê gotinê, ku bona êtnografa gelekî qîmetlîne.

        Dota nivîskar Nûra Emerîk (Nûrê Sardaryan) berevok hazir kirye û rêdaktorî lê kirye.

        Berevok 184 rûpêle. Ew çapxana “Van Aryan”-da hatye weşandinê.