MESELE Û MET’ELOKÊ K’URDÎ

 

X

 

 

Xala xarzî r’akirin,

Apa birazî dakirin.

 

* * *

 

Xebat cewara canê mêrive.

 

* * *

 

Xebatçîê xwebî,

Şîrinê xelqêbî.

 

* * *

 

Xelqêr’a gule,

Xwer’a kule.

 

* * *

 

Xelqêr’a me’sîgirim,

Xwer’a k’ûsîgirim.

 

* * *

 

Xeta xar bin gaê pîrdane.

 

* * *

 

Xew û mirin yekin.

 

* * *

 

Xezal çiqa bezoke,

Lê dîsa r’isqê xwe dixwe.

 

* * *

 

Xîret avîtine ber sê,

Sê jî qebûl nekir.

 

* * *

 

Xûn nave av.

 

* * *

 

Xwarin xweşe,

Kirin r’eşe.

 

* * *

 

Xwe binihêr’e, 

Paşê xelqê xeberde.

 

* * *

 

Xwe dike pûnga h’emû girara.

 

* * *

 

Xwedê aşê nezana diger’îne.

 

* * *

 

Xwedê bira destê dirêj kin neke,

Stûê qalim zirav neke.

 

* * *

 

Xwedê bext dide êt’îma,

Çima dê-bava ji wana distîne?

 

* * *

 

Xwedê ç’ya dibîne,

Berfê lê datîne.

 

* * *

 

Xwedê derd jî daye,

Derman jî daye.

 

* * *

 

Xwedê de’nya dide merivê bê dev-diran.

 

* * *

 

Xwedê du k’erema cîkî nake.

 

* * *

 

Xwedê gotye:

— Te herek’et,

— Min berek’et.

 

* * *

 

Xwedê heye,

Xem t’u nîne.

 

* * *

 

Xwedê yeke – derge h’ezar.

 

* * *

 

Xweyê newalê

Bûye xweyê malê.

 

* * *

 

Xweyke nanê xwe,

R’ake r’ûê xwe.