MESELE Û MET’ELOKÊ K’URDÎ

 

M

 

 

Mak çye, sag jî ewe.

 

* * *

 

Mal mezela her kesê,

Herkes her’e ser e’melê.

 

* * *

 

Mala bê jin avayê bê dîware.

 

* * *

 

Mala bê t’ifaq t’imê belaye.

 

* * *

 

Mala bûkê def û zur’ne,

Mala ze’vê haj pê t’une.

 

* * *

 

Mala wî dengize,

K’î nexwe donx’ize.

 

* * *

 

Mala zêr’a xirab dibe,

Mala mêra xirab nabe.

 

* * *

 

Malê ax’ê diçe,

Canê xulam dêşe.

 

* * *

 

Malxuê me ome,

Xwelî li serê me k’ome.

 

* * *

 

Me hevdu nas nekira,

Meê serê bavê hevdu sond bixwara.

 

* * *

 

Me’na sergîna

Diçe gundê mexîna.

 

* * *

 

Me’r çiqas pûngê dir’eve,

Pûng ber qula wî şîn dibe.

 

* * *

             

Me’r (r’ûvî) naçe qulê,

H’ecika jî poç’a xweva girêdide.

 

* * *

 

Me’r me’re,

Yê spî, yê r’eş yeke.

 

* * *

 

Me’r me’re,

Xewêda merya naxe.

 

* * *

 

Me’rî bi mûr’ nîbûya,

Lingê wî zikda nîbûya.

 

* * *

 

Me’sîê zêr’în t’imê nak’eve t’or’a merya.

 

* * *

 

Mêr bêxweyî dibe – jar dibe,

Jin bêxweyî dibe – har dibe.

 

* * *

 

Mêr dîwarê dervane,

Jin dîwarê hundur’e.

 

* * *

 

Mêr k’etine kewara,

Jin derk’etine hewara.

 

* * *

 

Mêra mêr dikuştin,

Jina h’ûr-r’ûvî dişûştin.

 

* * *

 

Mêrê k’otî du cara şêr’ dixweze.

 

* * *

 

Mêrê k’otî hundur’ k’otî.

 

* * *

 

Mêrê k’otî mirîê jinêye.

 

* * *

 

Mêşê dimêje,

Paşê davêje.

 

* * *

 

Mêvanê bêh’eyam k’îsî xwe dixwe.

 

* * *

 

Mêvanê gazînekirî

R’ûdinê cîê gêzînekirî.

 

* * *

 

Merî gerekê h’evsa xwe ji

Sala du bahar,

Pîra nig xirxal,

Kalê bê gopal

bike.

 

* * *

 

Merî kuştîbe,

Lê kuştîê mêrê çêbe.

 

* * *

 

Merî kûç’kê malêbe,

Biç’ûkê malê nîbe.

 

* * *

 

Merî pirsê

Diçe Qudsê.

 

* * *

 

Merîê kin çiqas ser e’rdêne,

Ewqas jî bin e’rdêne.

 

* * *

 

Merîê kin r’ojê deh cara dibin p’adşa,

Deh cara jî p’adşatîê dik’evin.

 

* * *

 

Merîê merd r’isqê wî zêdeye.

 

* * *

 

Merîê merya bibin kevir,

Çoka merya jî k’evin, naêşînin.

 

* * *

 

Merîê xirab bela xwe ber p’îê xwe dibîne.

 

* * *

 

Merîê xirav dûrva k’ivşe.

 

* * *

 

Merîê xwendî nanê xwendina xwe dixwe.

 

* * *

 

Meriv bi sebrê h’ewlê çêdike.

 

* * *

 

Meriv box’ê r’ojekêbe,

Ne ç’êleka sed sala.

 

* * *

 

Meriv e’mrê dirêj digihîje miraza.

 

* * *

 

Meriv merya bi k’inca nas nake.

 

* * *

 

Mîa xwe da bizinekê,

Bizina xwe da sosinekê,

Dosta xwe da kevnejinekê.

 

* * *

 

Min deve nedîtine,

Lê xwe min buşkulê deva dîtine?

 

* * *

 

Min serê xwe kirye curmekî vala.

 

* * *

 

Min şîrê mirtivê xwarye.

 

* * *

 

Mineta dijmin – qirşek.

 

* * *

 

Mirin e’mrê Xwedêye,

Şayî r’ewşa dinêye.

 

* * *

 

Mirîê dînê xweye.

 

* * *

 

Mirîo, tu çiqas mirîyî,

Xwe ser çarbestê nagrî?

 

* * *

 

Mirîşk çiqa k’ok dibe,

T’abûta wê teng dibe.

 

* * *

 

Mirîşk nukulê xwe avêda dike,

Berê xwe Xwedêda dike.

 

* * *

 

Mirîşk r’abû ser p’ya,

Dîna xwe da hurmya.

 

* * *

 

Mirîşka mine

Ber derê xelqê hêka dike.

 

* * *

 

Mirîşka r’eşe

Herr’o nexweşe.

 

* * *

 

Mirîşkê hêk kir,

Xwer’a heval çêkir.

 

* * *

 

Mirîşkê ç’e’v da qazê,

K’et, hêka xwe şikênand.

 

* * *

 

Mirovê sebrê –

Melîk’ê Misrê.

 

* * *

 

Mişkê ter’azinê,

Berxê ber bizinê,

Mêrê xebera jinê –

H’emû h’ewalê mirinê.

 

* * *

 

Mizgînî dane k’erê,

Gotin: ter’a ce’şikek bûye,

Go: ê, p’alanê min pişta mine.

 

* * *

 

Morya qul namîne li e’t’ara.

 

* * *

 

Mûkî dikin hûkî.