MESELE Û MET’ELOKÊ K’URDÎ

J

Je’ra me’ra ji me’ra naçe.

* * *

Jêr r’ûdinêy – jor xebernede,

Jor r’ûdinêy – jêr xebernede.

* * *

Ji be’rê derbaz bûn,

Newalêda xeniqîn.

* * *

Ji biç’ûka bipirse,

Ji mezina bitirse.

* * *

Ji zana bipirse,
Ji nezana bitirse.

* * *

Jin heye meriva dike wezîr,

Jin heye meriva dike r’ezîl.

* * *

Jin jî heye, jinkok jî heye,

Mêr jî heye, mêrkok jî heye.

* * *

Jina bedew t’imê bi yare.

* * *

Jina mêrê çêbe,

R’okê li dinêbe.

* * *

Jina min bi nave,

Hurmete minr’a him t’ac, him jî t’exte.

* * *

Jinê ziman r’a pê nabin.

* * *

Jintî-mêrtî girya g…ye,

Ne dest vedibe, ne dev.

* * *

Jor t’û dikim – burune,

Jêr t’û dikim – r’ûye.